Hrein orka - betri heimur

Um þessar mundir stendur yfir sýningin „Hrein orka - betri heimur“ í Sesseljuhúsi - sýningarhúsi um sjálfbærar byggingar og fræðslusetur um umhverfismál að Sólheimum í Grímsnesi. Á sýningunni sem er styrkt af Pokasjóði er fjallað um vatnsorku, sólarorku, líforku, ölduorku, jarðvarma, sjávarfallaorku og vindorku.

Auk þess er ýmislegt spennandi í gangi á Menningarveislu Sólheima nú í sumar t.d. listsýningar, höggmyndagarðurinn, trjásafnið við Öl, ljósmyndasýningin „Sólheimar í tímans rás“, Lego-sýning í arinstofu Sesseljuhúss. Í Miðgarðstjaldi við við Grænu könnuna eru til sýnis og sölu listmunir frá Ásgarði, markaðstjald með lífrænar afurðir, kaffihús og verslun.

 

Myndin er tekin af útskornum verum á sýningu í Miðgarðstjaldi í fyrra. Ljósmynd: Guðrún Tryggvadóttir.