Forntextaskrifarinn

Forntextaskrifarinn Kristín Þorgrímsdóttir er stjórnmálafræðingur að mennt og mikil áhugamanneskja um hina fornu ritlist. Hún sérhæfir sig í afritun texta úr íslenskum miðaldahandritum og velur einkum í verk sín texta sem gefa innsýn í heimsmyndir miðaldamanna og almennar hugmyndir þeirra um lífið og tilveruna. Kristín sýnir nú verk sín á Handverkshátíðinni að Hrafnagili í Eyjafirði.

Handskrifuð skinnverk eftir Kristínu eru í eigu Sögusafnsins í Perlunni (sýningarbás Snorra Sturlusonar), Reykjavík, og einnig á Stofnun Árna Magnússonar handskrifað skinnverk eftir hana, sem er til sýnis í skrifaraherbergi á handritasýningu stofnunarinnar í Þjóðmenningarhúsinu við Hverfisgötu, Reykjavík.

Myndin t.v. er af Kristínu í tjaldinu á Handverkshátiðinni. T.h. má sjá dæmi um nokkur af ritverkum hennar. Ljósmyndir: Guðrún Tryggvadóttir.