Vistvæn upplýsingatækni

Föstudaginn 27. júní kl. 11.00 mun einn helsti sérfræðingur heims á sviði upplýsingatækni, Subramaniam Ramadorai, flytja fyrirlestur í Hátíðarsal HÍ, Aðalbyggingu. Umhverfisvernd er mikilvægur þáttur í rekstri fyrirtækja og upplýsingatækni er ekki undanskilin þegar kemur að losun kolefnis út í andrúmsloftið. Erindi Ramadorai heitir „Vistvæn upplýsingatækni“.

Ramadorai er forstjóri TCD (TATA Consulting Services) sem er í hópi stærstu upplýsingatæknifyrirtækja í heiminum. Starfsmenn TCS eru um 110.000 og starfa í rösklega 50 þjóðlöndum.

TSC þjónustar fjölmörg stærstu fyrirtæki heims, m.a. Chrysler, British Airways, Nissan Motors. Motorola og Microsoft. Viðskiptavinir fyrirtækisins hér á landi eru meðal annrs Glitnir, Síminn, Eimskip og Kaupþing. TATA Group á annan gagnaflutningastrenginn sem liggur á hafsbotni milli Íslands og Evrópu.

Að athöfn lokinni verður boðið upp á hádegissnarl. Erindið er í boði Kristínar Ingólfsdóttur rektors Háskóla Íslands. Allir velkominir