Hönnun og heimili

Dagana 19.-21. október verður sýningin og fagstefnan Hönnun og heimili haldin í Laugardalshöllinni.

Tilgangur þessa viðburðar er að skapa vettvang til að kynnast öllum helstu nýjungum í tengslum við hönnun og innréttingu heimila ásamt því að bæta og styrkja það hönnunarsamfélag sem við Íslendingar búum við í dag.

Fjöldi hönnuða og fyrirtækja sem og Listaháskóla Íslands og Hönnunarvettangs munu taka þátt í sýningunni. BRUM er „sýning á sýningunni“ unnin í samstarfi við Hönnunarvettvang en Brynhildur Pálsdóttir & Guðfinna Mjöll Magnúsdóttir sem reka fyrirtækið Borðið sjá um sýningarstjórn BRUMS.

Náttúran.is mun einnig kynna þjónustu sína á sýningunni og gefa góð ráð.