Orð dagsins 2. apríl 2008

Á dögunum gaf Greenpeace út í 7. sinn skýrsluna ”Guide to Greener Electronics”, en skýrsla af þessu tagi kom fyrst út í ágúst 2006. Í skýrslunni er 18 leiðandi framleiðendum tölvubúnaðar, sjónvarpa og farsíma raðað eftir frammistöðu þeirra í umhverfismálum, með sérstöku tilliti til þess hvaða efni þeir nota í framleiðsluna og hvernig þeir standa að endurnotkun og endurvinnslu. Nokia hefur vermt toppsætið síðustu mánuði, en fellur nú niður í 3. sæti vegna dugleysis við að taka við notuðum tækjum í Indlandi og Rússlandi. Í staðinn sitja nú Samsung og Toshiba á toppnum með einkunnina 7,7 af 10 mögulegum. Nintendo situr hins vegar á botninum með falleinkunn upp á 0,3.
Lesið fréttatilkynningu Greenpeace 18. mars sl.,
skoðið frammistöðu einstakra framleiðenda nánar
og rifjið upp „Orð dagsins“ 10. október 2007