Yndisferðir um undraheima Jökulsárgljúfra

Fjögurra daga gönguferð um Jökulsárgljúfur dagana 16. - 21. júlí 2010 og aftur 29. júlí – 3. ágúst 2010. Í undraveröld Gljúfranna er að finna dulmagnaða náttúru og langa sögu byggðar, bæði manna og vætta. Yoga kvölds og morgna. Dvalið er á tjaldstæðinu í Vesturdal.

Í Yndisferðum er notuð náttúrutúlkun - Environmental Interpretation - sem er ákveðið form fræðslu sem þróaðist í fyrstu þjóðgörðum veraldar. Náttúrutúlkun leiðir til dýpri skilnings á gildi náttúrunnar og mikilvægi þess að vernda hana.

Leiðsögumaður er Anna Dóra Hermannsdóttir yogakennari en hún starfaði sem landvörður í Þjóðgarðinum í Jökulsárgljúfrum sem nú hefur sameinast Vatnajökulsþjóðgarði. Bókanir og allar nánari upplýsingar eru að finna á skidadalur.is

Að Klængshól í Skíðadal reka hjónin Anna Dóra Hermannsdóttir og Örn Arngrímsson ferðaþjónustu með áherslu á heilsufæði og nálgun við náttúruna út frá hugleiðslu, yoga, Cranio Sacral Therapy, og gönguferðum svo eitthva sé nefnt. Dvöl í Skíðadalnum er tilvalin leið til afslöppunar og endurnýjunar. Klængshóll er með lífræna vottun. Sjá Klængshól hér á Grænum síðum.

Mynd: Blágresi, ljósmynd: Guðrún Tryggvadóttir.