Bæjarstjórninni veitt umboð til viðræðna við Alcan

Skiptar skoðanir voru á borgarafundi um álver á Keilisnesi, í Vogum á Vatnsleysuströnd í gærkvöldi. Fjöldi bæjarbúa voru mættir á fundinn en þar samþykkti mikill meiri hluti íbúa að gefa bæjarstjórninni umboð til að hefja formlegar viðræður við fulltrúa Alcan um byggingu álvers á Keilisnesi.

Um 130-40 manns mættu á fundinn og voru mjög skiptar skoðanir um hvort að bygging álvers væri réttmæt. Þeir sem á móti voru báru fyrir sig þau rök að mannlíf og náttúra bæjarins yrðu sett í hættu við byggingu álvers, þeir sem voru með byggingu álvers sögðu hinsvegar að uppbygging atvinnulífs á svæðinu væri mikilvæg og að tekjur sveitarfélagsins gætu aukist verulega sem myndi skila sér í betri þjónustu til bæjarbúa.