Jarðvegseyðing ógnar áfram

Orð dagsins 3. júlí 2008

Jarðvegseyðing ógnar fæðuöryggi um fjórðungs mannkyns samkvæmt nýrri skýrslu Matvæla- og landbúnaðarstofnunar Sameinuðu þjóðanna (FAO). Um 20% af öllum ræktuðum svæðum heimsins, um 30% af skógum og 10% af graslendi eiga nú undir högg að sækja vegna jarðvegseyðingar. Þessu fylgir minnkandi uppskera, fólksflutningar, óöryggi í fæðuöflun, tjón á vistkerfum og tap á lífrræðilegri fjölbreytni, bæði innan tegunda og í vistfræðilegu tilliti. Jarðvegseyðing eykur einnig á gróðurhúsaáhrifin, með því að kolefni sem áður var bundið í jarðvegi losnar út í andrúmsloftið.
Lesið fréttatilkynningu FAO í gær