Leiðrétting frá umhverfisráðuneytinu

Vegna fréttar á Visi.is með fyrirsögninni Afþakkar 15 milljarða loftslagskvóta vill umhverfisráðuneytið koma eftirfarandi á framfæri:

Ísland er þegar aðili að viðskiptakerfi ESB og frá og með 1. janúar 2013 mun nærri helmingur losunar Íslands falla undir það samkvæmt ákvæðum EES-samningsins, þar á meðal öll losun frá stóriðju. Það liggur því fyrir að stóriðja á Íslandi á að búa við sömu skilyrði og stóriðja annars staðar á Evrópska efnahagssvæðinu. Það þýðir að færa verður losunarheimildir íslenskra stóriðjufyrirtækja úr undaný águákvæði í Kýótó-bókuninni yfir í evrópska viðskiptakerfið, en ekki að Kýótó-heimildir Íslands falli niður. Ísland á nú í viðræðum við ESB um tæknilega útfærslu á þessum flutningi. Fullyrðingar um að umhverfisráðherra afþakki 15 milljarða króna loftslagskvóta eru því fráleitar og algerlega úr lausu lofti gripnar.

Flutningur losunarheimilda íslenskra stóriðjufyrirtækja úr núverandi undaný águákvæði yfir í evrópska viðskiptakerfið mun ekki hafa neinn kostnað í för með sér. Niðurfelling íslenska ákvæðisins samhliða niðurstöðu um flutning heimilda mun hins vegar opna ný tækifæri fyrir íslensk fyrirtæki, sem gætu þá óhindrað tekið þátt í viðskiptakerfi ESB, þar sem loftslagsvæn fyrirtæki standa betur að vígi en hin. Ákvörðun 14/CP.7 (íslenska ákvæðið) kemur hins vegar í veg fyrir að Ísland geti selt losunarheimildir. Þannig er um mikilvægt framfaraskref að ræða fyrir ímynd Íslands, íslenskt atvinnulíf og stöðu umhverfismála.