Bráðabirgða-tilrauna boranir og bráðabirgða vegir á Stóra Skarðsmýrarfjalli og við Hverahlíð

„Bráðabyrgðaframkvæmdaleyfi“ fyrir borholum og vegum á Stóra Skarðsmýrarfjalli var samþykkt í sveitarstjórn Ölfuss þann 30. 03. 2006. Eina vandkvæðið er að svonefnt „bráðabirgðaframkvæmdaleyfi“ er ekki hugtak sem viðurkennt er í löggjöfinni. Samningur um fimmhundruð milljón króna greiðslu til sveitarfélagsins, fyrir skjóta afgreiðslu umsagna og hröðun leyfisveitinga til OR gekk í gildi milli sveitarfélagsins og Orkuveita Reykjavíkur í kjölfarið (þ. 27. 04. 2006).
Landvernd, Björn Pálsson og Eldhestar hafa kært ofangreint „bráðabirgðaframkvæmdaleyfi“ til Úrskurðarnefndar skipulags- og byggingarmála.

Framkvæmdin er ekki í samræmi við Aðalskipulag Sveitarfélagsins Ölfuss 2002 – 2014 og myndi hún því kalla á breytingu á skipulaginu, segir í úrskurði Skipulagsstofnunar. Ólafur Áki Ragnarsson bæjarstjóri Ölfuss segist ekki vera sammála túlkun Skipulagsstofnunar sem ítrekar að ekkert sé til sem réttlæti slík ný yrði.

Sjá frétt á vef Landverndar.
Sjá kæruna í heild sinni.
-
Myndin sýnir „bráðabirgðaefnistöku“ á Stóra Skarðsmýrarfjalli.
Ljósmynd: Björn Pálsson.