Heilsutengd ferðaþjónusta í Skíðadal

Að Klængshól í Skíðadal reka hjónin Anna Dóra Hermannsdóttir og Örn Arngrímsson ferðaþjónustu með áherslu á heilsufæði og nálgun við náttúruna út frá hugleiðslu, yoga, Cranio Sacral Therapy, og gönguferðum svo eitthva sé nefnt. Dvöl í Skíðadalnum er tilvalin leið til afslöppunar og endurnýjunar.

Að sögn Önnu Dóru býður Klængshóll upp á mikið einnig á þessum árstíma þegar kyrrðin færist yfir náttúruna og verður næstum áþreifanleg. Nú eru farfuglarnir flognir og ferðamenn sjaldgæf sjón og því góður tími til að næra sálina í hinum ægifagra Skíðadal og láta dekra við sig.
Klængshóll er nú í lífrænisaðlögun og jörðin fær væntanlega vottun á næsta ári.

Bókanir og allar nánari upplýsingar eru að finna á skidadalur.is