Reiðhljóðaflotar vinna á

Orð dagsins 13. ágúst 2008.

Sameiginlegir reiðhjólaflotar verða sífellt vinsælli í bandarískum háskólum. Með þessu móti er dregið úr álagi á umhverfið, komist hjá umferðarteppum, dregið úr kostnaði vegna eldsneytis og bílastæða og stuðlað að betri líðan. Samtökin AASHE, sem beita sér fyrir aukinni sjálfbærni í æðri menntun, halda saman skrá yfir verkefni af þessu tagi. Á skránni er nú 61 verkefni sem snýst um ódýra eða ókeypis hjólaleigu fyrir stúdenta. Þar af var 9 verkefnum hleypt af stokkunum á síðustu mánuðum og a.m.k. þrjú til viðbótar eru áformuð á næstu vikum. Dæmi um verkefni af þessu tagi er m.a. að finna í Ripon háskólanum í Wisconsin, þar sem ný stúdentar fá afhent ókeypis fjallahjól með lásum og hjálmi, gegn loforði um að þeir komi ekki á bíl í skólann. Meira en helmingur 300 ný stúdenta hefur nýtt sér þetta tilboð.
Lesið frétt GreenBiz í gær