Í sumar verður hampur og maís ræktaður á Norðurlandi. "Mikilvægt að hægt sé að nota landbúnaðinn í fjölþættara formi heldur en gert hefur verið," segir Sveinn Jónsson bóndi sem telur landið okkar bjóða upp á ýmsa möguleika.

Bændur í Eyjafirði ætla að reyna fyrir sér í heldur ný stárlegum landbúnaði í sumar. Tilraunaræktun á hampi hefst á bænum Kálfskinni og á bænum Hríshóli verður gerð tilraun með ræktun maíss.

Sveinn Jónsson, bóndi í Kálfskinni, segir hampræktun síður en svo tengjast alræmdasta afbrigði hampplöntunnar sem notað hefur verið til að rækta vímuefnið kannabis. Það afbrigði sem hann ætli að sá strax og snjóa leysir sé líkt hassplöntunni í útliti en engin vímuefni sé að finna í henni heldur ný tist það vel til ýmiss konar iðnaðar og fóðurgerðar.

Öll tilskilin leyfi fyrir ræktuninni hafa fengist og er stefnt að því að sex tegundum hamps verði sáð í lok apríl í Kálfskinni, auk þess á tilraunabúinu Möðruvöllum í Hörgárdal og jafnvel í Svarfaðardal í samvinnu við Búnaðarsamband Eyjafjarðar.

"Ég er nú orðinn hálfáttræður og á ekki að láta svona," segir Sveinn þegar hann er spurður út í áætlanir sínar. "Mér þykir bara mikilsvert að menn séu vakandi fyrir þeim möguleikum sem landið okkar býður upp á og mikilvægt að hægt sé að nota landbúnaðinn í fjölþættara formi heldur en gert hefur verið fram að þessu," segir Sveinn.

Hann bendir auk þess á að matvæla- og fóðurverð fari hækkandi í heiminum og Íslendingum sé mikilvægt að vera eins sjálfum sér nægir og hægt er. "Alls konar óáran á sér nú stundum stað úti í löndum og gott að geta aflað matvælanna eins vel og við getum miðað við okkar aðstæður."

Sveinn hefur þegar stofnað fyrirtækið Hampa-Tech ásamt nokkrum félögum. Tilraunir á hamp-ræktun hafa gefist vel í Evrópu og segir Sveinn að mikil birta yfir sumartímann ætti að henta plöntunni vel auk þess sem jarðvegur hérlendis sé talinn heppilegur fyrir hana.

Sigurgeir Hreinsson, bóndi á Hríshóli, stefnir svo á að planta maísfræjum innan skamms.

"Í sumar ætlum við að sjá hversu mikilli uppskeru við getum náð og hvort frekari ræktun sé inni í myndinni," segir Sigurgeir um fyrirætlanir sínar.

Til er mikill fjöldi afbrigða af maís sem þrífst við ólíkar aðstæður. Það afbrigði sem á að athuga hvort festi almennilega rætur í landi Hríshóls hefur gefið góða raun í Kanada og segir Sigurgeir að ekki sé annað hægt en að vona hið besta.

Sveinn Jónsson, bóndi í Kálfskinni, segir hampræktun síður en svo tengjast alræmdasta afbrigði hampplöntunnar sem notað hefur verið til að rækta vímuefnið kannabis. Það afbrigði sem hann ætli að sá strax og snjóa leysir sé líkt hassplöntunni í útliti en engin vímuefni sé að finna í henni heldur ný tist það vel til ýmiss konar iðnaðar og fóðurgerðar.

Öll tilskilin leyfi fyrir ræktuninni hafa fengist og er stefnt að því að sex tegundum hamps verði sáð í lok apríl í Kálfskinni, auk þess á tilraunabúinu Möðruvöllum í Hörgárdal og jafnvel í Svarfaðardal í samvinnu við Búnaðarsamband Eyjafjarðar.

"Ég er nú orðinn hálfáttræður og á ekki að láta svona," segir Sveinn þegar hann er spurður út í áætlanir sínar. "Mér þykir bara mikilsvert að menn séu vakandi fyrir þeim möguleikum sem landið okkar býður upp á og mikilvægt að hægt sé að nota landbúnaðinn í fjölþættara formi heldur en gert hefur verið fram að þessu," segir Sveinn.

Hann bendir auk þess á að matvæla- og fóðurverð fari hækkandi í heiminum og Íslendingum sé mikilvægt að vera eins sjálfum sér nægir og hægt er. "Alls konar óáran á sér nú stundum stað úti í löndum og gott að geta aflað matvælanna eins vel og við getum miðað við okkar aðstæður."

Sveinn hefur þegar stofnað fyrirtækið Hampa-Tech ásamt nokkrum félögum. Tilraunir á hamp-ræktun hafa gefist vel í Evrópu og segir Sveinn að mikil birta yfir sumartímann ætti að henta plöntunni vel auk þess sem jarðvegur hérlendis sé talinn heppilegur fyrir hana.

Sigurgeir Hreinsson, bóndi á Hríshóli, stefnir svo á að planta maísfræjum innan skamms.

"Í sumar ætlum við að sjá hversu mikilli uppskeru við getum náð og hvort frekari ræktun sé inni í myndinni," segir Sigurgeir um fyrirætlanir sínar.

Til er mikill fjöldi afbrigða af maís sem þrífst við ólíkar aðstæður. Það afbrigði sem á að athuga hvort festi almennilega rætur í landi Hríshóls hefur gefið góða raun í Kanada og segir Sigurgeir að ekki sé annað hægt en að vona hið besta.

 

 

Birt:
21. apríl 2008
Höfundur:
Karen
Uppruni:
Fréttablaðið
Tilvitnun:
Karen „Maís og hampi sáð á jörðum í Eyjafirði“, Náttúran.is: 21. apríl 2008 URL: http://nature.is/d/2008/04/21// [Skoðað:29. mars 2024]
Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.

Skilaboð: