Eva Joly tekur undir áskorun Bjarkar Guðmundsdóttur

Blaðamannafundur verður haldinn um málið í Norræna húsinu miðvikudaginn 13. október klukkan 16.00.

Eva Joly hefur kynnt sér Magma-málið og tekur nú undir áskorun Bjarkar Guðmundsdóttur og 20.000 Íslendinga á vefnum www.orkuaudlindir.is. Skorað er á stjórnvöld að koma í veg fyrir söluna á HS Orku; þriðja stærsta orkufyrirtæki landsins, til einkaaðila og jafnframt er skorað á Alþingi að láta fara fram þjóðaratkvæðagreiðslu sem allra fyrst um orkuauðlindir landsins. 

Eva Joly og Björk Guðmundsdóttir munu sitja fyrir svörum ásamt þeim Jóni Þórissyni og Oddnýju Eir Ævarsdóttur í Norræna húsinu klukkan fjögur, miðvikudaginn 13. október. 2010.