Hvernig bregðast almannaheillasamtök við breyttu samfélagi?

Viðbrögð íslenskra almannaheillasamtaka við afleiðingum fjármálakreppunnar? Á hvern hátt ættu þau að breyta forgangsröðun verkefna sinna? Hvernig förum við að því að styrkja þessi samtök til að takast á við krefjandi aðstæður?

Hin ný stofnuðu samtök „Samtök um almannaheill“ boða til fundar að Hallveigarstöðum Túngötu 14, Reykjavík fimmtudaginn 6. nóvember kl. 09:00 - 12:00 um breytt hlutverk almannaheillasamtaka á erfiðum tímum í samfélaginu.

Dagskrá:

• 9:00 Ávarp og setning - Guðrún Agnarsdóttir formaður Samtaka almannaheilla - Jóhanna Sigurðardóttir félagsmálaráðherra.
• 9:15 Erindi - „Brýnustu verkefni og breytt starfsemi almannaheillasamtaka á erfiðum tímum (flutt á ensku; úrdráttur á íslensku ef óskað er) Ann Armstrong, gestakennari við Háskólann í Reykjavík.
• 10:00 Kaffi.
• 10:15 Fjögur stutt innlegg: Guðlaugur Þór Þórðarson heilbrigðisráðherra, Steinunn Hrafnsdóttir dósent Háskóla Íslands, Sigðurður Ólafsson verkefnisstjóri Háskólans í Reykjavík, Þórir Guðmundsson yfirmaður alþjóðasviðs Rauða krossins
• 10:00 Umræður í hópum
• 11:20 Skýrslur hópa og almennar umræður. Ályktun.
• 12:00 Fundarslit

Öll aðildarfélög Samtaka um almannaheill eru hvött til að senda 3 eða fleiri einstaklinga á fundinn. Þá eru þau einnig hvött til að fá 2-3 úr forystu annarra almannaheillasamtaka til þátttöku.

Komum á fundinn, skiptums á hugmyndum, förum yfir möguleikana almannaheillasamtaka til að byggja upp nýtt og betra samfélag.

Ekkert gjald er fyrir þátttöku í fundinum. Vinsamlegast skráin ykkur sem fyst með tölvuskeyti á netfangið almannaheill@internet.is