Þrenningarhátíð

Þetta er fyrsti sunnudagur eftir hvítasunnu og heitir líka og reyndar oftar trinitatis. Við hana eru miðaðir allir sunnudagar í húspostillum þaðan og fram til jólaföstu. Nafnið er sprottið af því, að á 12. öld komst hin heilaga almenna kirkja að þeirri niðurstöðu, að Guð faðir, sonur og heilagur andi væri allt ein og sama persónan, þrenning sönn og ein. Ekki var það nú fyrr. Þessi skilningur var svo lögboðinn af páfa árið 1334. Þótti trinitatis lengi vel mun helgari en aðrir sunnudagar, jafnvel fram á 20. öld.