ABC sjónvarpsstöðin velur 7 ný undur veraldar

Íslensku jöklarnir og eldfjöllin, Internetið, elsti hluti Jerúsalem, Kóralrif við Hawaii, Maasai Mara þjóðgarðurinn í Kenía, Potala-höllin í Tíbet og Maja-píramídarnir í Mexíkó hafa verið útnefnd sem hin sjö nýju undur veraldar af ABC sjónvarpstöðinni (sjá vefsíðu ABC). Jónína Bjartmarz minntist á útnefninguna á málþinginu „Er sátt í sjónmáli“ hjá Samtökum Iðnaðarins í gær og sagði að henni hafi ekki komið útnefningin að óvörum og væru þó mjög ánægjuleg sérstaklega vegna þess að ráðgjafanefnd um stofnun Vatnajökulsþjóðgarðs hefur skilað niðurstöðu (sjá frétt á vef Umhverfisráðuneytisins) og nýbúið er að samþykkja frumvarp um Vatnajökulsþjóðgarð (sjá frétt á vef Umhverfisráðuneytinsins).
-
Myndin er tekin við Jökulsárlón þ. 21. 08. 2006. Ljósmynd: Guðrún Tryggvadóttir.