Jólamarkaður Sólheima í Kringlunni

Nokkuð óvænt munum við íbúar Sólheima vera með jólamarkað á göngugötu Kringlunnar næstu þrjá daga, fimmtudag, föstudag og laugardag. Markaðurinn verður staðsettur á neðstu hæð og verður opið á sama tíma og verslanir Kringlunnar eða frá kl. 10-22.

Sólheimar verða með vörur frá öllum vinnustofunum sem og vörur frá Garðyrkjustöðinni Sunnu, þ.e. Gulrótarmarmelaði, Jólachutney og annað góðgæti. Allir eru hvattir til að leggja leið sína í Kringluna og kíkja við á Sólheimabásnum.

Örfá dæmi um fjölbreytt úrval á jólamarkaði Sólheima: Jólachutney – Bþvaxkerti – Handgerðar sápur – Tréverk – Listaverk – Endurunnar pappírsskálar - Leirverk – Útikerti – Vefnaður og fleira og fleira og fleira.

Myndin er af trélambi á Sólheimum. Ljósmynd: Guðrún Tryggvadóttir.