Fardagar

Dagsetningar þessa orðs hafa veirð svolítið breytilegar eftir tímabilum. Þó mun óhætt að fullyrða að þett hafi almennast verið fjórir fyrstu dagarnir í 7. viku sumars, sem gátu hafist á bilinu 31. maí til 6. júní. Á þessum dögum skyldu menn flytja búferlum af einni jörð á aðra. Fleira var oft miðað við þessa dagsetningu einsog greiðsla á jarðarafleigu, virðing eigna til tíundar, offurgjald til presta og fleiri gjöld og tollar.Nýi fardagur eða fardagur presta var hinsvegar ekki settur fyrr en 6. júní 1847.