„Vistvernd í verki“ að fara í gang með nýja hópa

Hvað er Vistvernd í verki?
Vistvernd í verki er alþjóðlegt (Global Action Plan/GAP) umhverfisverkefni fyrir heimili. Markmið verkefnisins er að styðja og hvetja fólk til að taka upp vistvænni lífsstíl skref fyrir skref á þeim hraða sem hver velur sér. Verkefnið er hið eina sinnar tegundar í heiminum svo vitað sé og hafa kannanir sýnt að það skilar miklum og varanlegum árangri í bættri umhverfismeðvitund og hegðun. Um 470 heimili hafa nú þegar tekið þátt í verkefninu. Sveitarfélögin sem hafa staðið sig best eru Hvítársíða - yfir 50% íbúa tóku þátt, Hveragerði - 8% íbúa hafa tekið þátt og Hafnarfjörður - 4% íbúa hafa tekið þátt í verkefninu.

Landvernd hefur umsjón með verkefninu á Íslandi.