Ályktun aðalfundar Náttúruverndarsamtaka Íslands um Náttúruverndaráætlun

Aðalfundur Náttúruverndarsamtaka Íslands haldinn í ReykjavíkurAkademíunni þann 4. júní 2009 fagnar Náttúruverndaráætlun 2009 – 2013 sem afgreiða skal á yfirstandandi þingi. Aðalfundurinn fagnar sérstaklega áformum um stækkun Friðlandsins í Þjórsárverum þar sem segir „… að það nái yfir allt votlendi veranna.” Jafnframt er því fagnað að „… Langisjór og nánasta umhverfi hans verði friðlýst og fellt inn í Vatnajökulsþjóðgarð.”