Orð dagsins 10. mars 2008

Erik Solheim, umhverfisráðherra Noregs, hefur viðrað þá hugmynd að banna einnota innkaupapoka úr plasti. Talið er að Norðmenn fleygi um einum milljarði slíkra poka á ári hverju, enda mun venjulegur plastpoki aðeins notaður að meðaltali í 20 mínútur þar í landi. Áætlað er að það taki venjulegan plastpoka um 100 ár að brotna niður í náttúrunni. Norsk samtök verslunar og þjónustu eru ekki hrifin af þessum hugmyndum ráðherrans, en samtökin Grønn Hverdag hafa tekið saman góð ráð fyrir þá sem vilja segja skilið við pokana þegar í stað.
Lesið frétt NRK í gær,
rifjið upp „Orð dagsins“ 16. janúar sl.
og skoðið ráðleggingar Grønn Hverdag.