Álit Skipulagsstofnunar neikvætt - Ingólfsfjallsmálið

Skipulagsstofnun hefur gefið álit sitt um mat á umhverfisáhrifum samkvæmt lögum nr. 106/2000 m.s.b. Það er álit Skipulagsstofnunar að fyrirhuguð efnistaka úr Ingólfsfjalli eins og hún er kynnt í matsskýrslu, sé ekki ásættanleg vegna verulega neikvæðra, varanlegra og óafturkræfra sjónrænna áhrifa og áhrifa á landslag sem hún mun óhjákvæmilega hafa í för með sér. Veiting framkvæmdaleyfis bryti því í bága við niðuðrstöðu stofnunarinnar um mat á umhverfisáhrifum. Sjá álit Skipulagsstofnunar ásamt matsskýrslu Fossvéla ehf.

Nú er það á valdi Sveitarfélags Ölfuss að veita ekki leyfið og hlýta þannig niðurstöðu Skipulagsstofnunar og láta ekki undan þrýstingi frá hagsmunaaðilum námunnar, á kostnað umhverfisins.

Ljósmynd af námusvæðinu: Guðrún Tryggvadóttir