Rotvarnarefni úr fjórgildum ammoníumsamböndum varhugaverð

Orð dagsins 19. ágúst 2009.

Norska vísindanefndin um matvælaöryggi (VKM) hefur varað við því að fjórgild ammoníumsambönd, sem m.a. eru notuð sem rotvarnarefni í snyrtivörur, geti stuðlað að því að bakteríur verði ónæmar fyrir sýklalyfjum. Efnin sem hér eiga í hlut eru m.a. Bensalkóníumklóríð, Stearalkóníumklóríð, Cetrimóníumklóríð, Cetrimóníumbrómíð og Cetþlpþridíníumklóríð. Svipaðar viðvaranir hafa áður komið fram m.a. vegna efnisins triclosan, sem til skamms tíma var m.a. notað í tannkrem.
Lesið frétt á heimasíðu Grønn Hverdag 14. ágúst sl.
og frétt á heimasíðu IMS í dag .

Grafík: Benzalkóniumklóríð af Wikipedia.