Marine Stewardship Council vottun

Orð dagsins 19.júní 2008

Ufsaveiðar Norðmanna fengu í gær umhverfisvottun alþjóðlegu vottunarsamtakanna MSC (Marine Stewardship Council). Þetta er fyrsta MSC-vottunin sem norskar útgerðir fá, en með þessu verður hægt að markaðssetja og selja um 250.000 tonn af MSC-vottuðum norskum ufsa árlega. Samtök útvegsmanna í Noregi (Fiskebåtredernes Forbund) líta á vottunina sem mikilvægan þátt í að undirstrika lögmæti og sjálfbærni norskra fiskveiða, auk þess sem hún muni reynast mjög dýrmæt við sölu á norskum ufsa á umhverfismeðvituðum mörkuðum. Vottunin sem tilkynnt var um í gær nær til tveggja stórra útgerðarfyrirtækja, en fjögur önnur norsk útgerðarfyrirtæki hafa þegar hafið undirbúning að sams konar vottun fyrir þorsk, þsu, makríl og síld.
Lesið frétt World Fishing í gær
og frétt á heimasíðu Fiskebåtredernes Forbund