Umhverfismeðvitund aðeins í huganum?

Orð dagsins 25. júní 2008

Mikið misræmi er milli orða og gjörða norskra neytenda hvað umhverfismál varðar. Í nýrri könnun Umhverfisstofnunar Noregs (SFT) kom í ljós, að um 40% landsmanna telja sig vera mjög umhverfismeðvitaða. Hins vegar svipast aðeins 15% alla jafna um eftir Norræna svaninum og Evrópublóminu þegar þeir kaupa inn, rúmur þriðjungur hendir sparperum í ruslið eins og ekkert sé, þó að þær innihaldi kvikasilfur, aðeins 11% velja málningu með tilliti til áhrifa hennar á umhverfi og heilsu, og aðeins 13% láta umhverfisþætti ráða vali sínu á þvottaefnum.
Lesið frétt á heimasíðu SFT 21. júní sl.