Vetnisefnarafala-ljósavél og visthæfir bílar - Sýning

Á sumardaginn fyrsta, fimmtudaginn 24.apríl verður vetnisefnarafala -ljósavél um borð í hvalaskoðunarskipinu Eldingu tekin í notkun. Við sama tækifæri mun Nýsköpunarmiðstöð Íslands taka við kraftmiklum vetnisdrifnum Ford Focus. Ráðstefnugestir af ráðstefnunni North Atlantic Hydrogen Association sem haldin verður á morgun þ. 23. apríl hjá Orkuveitu Reykjavikur að Bæjarhálsi 1 er boðið að koma með í bátsferðina.

Hvalskoðunarskipip Eldingin mun leggjast að Miðbakka framan við Kolaportið um kl 11:00 og þar verður umhverfisráðherra og fulltrúar borgarinnar og starfsmenn helstu samstarfsaðlia Íslenskrar NýOrku í SMART-H₂ verkefninu. Þegar skipið hefur farið sína fyrstu vetnisför verður opnuð bílasýning þar sem almenningi gefst færi á að prófa ýmsa bíla sem hafa minni útblástur en eldri gerðir bíla en NýOrka bauð bílgreinasambandinu að vera með í kynningu bíla fyrir almenning. Þarna verður NýOrka með A-class rafalabíl frá Daimler.

Um borð í Eldingu er verið að koma upp sýningarrými í lestinni. Þar sést efnarafalinn sem er tengdur rafkerfi skipsins af Varmaraf hf og fræðsluefni um tæknina. Einnig hefur verið komið fyrir áfyllingarbúnaði á Ægisgarði sem hannaður og smiðaður er af Icelandic Hydrogen og Varmarafi.

Nú eru vetnisbílar á götum orðnir 12 en eins og kunnugt er eru engir strætisvagnar knúnir vetni lengur í Reykjavik. Vonandi verða þeir keyptir til landsins á næstu árum.