35% af skrifstofupappír strax hent

Orð dagsins 25. maí 2009

Skrifstofufólk í þjónustu bandarískra stjórnvalda hendir strax um 35% af öllum blöðum sem það prentar út. Fjárhagslegt tap hins opinbera vegna þessa er áætlað um 440 milljónir bandaríkjadala á ári, eða sem samsvarar um 55 milljörðum íslenskra króna. Meðalskrifstofumaðurinn prentar út 30 blaðsíður á dag eða um 7.200 bls. á ári. Það vekur hins vegar athygli, að þeir sem stunda fjarvinnu á eigin heimilum prenta aðeins út 12 blaðsíður á dag að meðaltali. Pappírssóun skrifstofumanna virðist svipuð í öllum aldursflokkum, sem stangast á við þá almennu skoðun að yngsta starfsfólkið sé meðvitaðra um umhverfismál en þeir sem komnir eru á miðjan aldur.
Lesið frétt GreenBiz.com 21. maí sl.