30 listamenn kæra - Hrafntinnumálið

Í fréttum ríkissjónvarpsins birtist í kvöld frétt um að Guðrún Gísladóttir leikkona hafi ásamt 30 listmönnum kært flutning hrafntinnu úr Hrafntinnuskeri. Hópurinn vill með kærunni mótmæla brottnámi hrafntinnu frá Hrafntinnuskeri og benda á að sambærilegar viðgerðir sé vel framkvæmanlegar án þess að vega að sjaldgæfum náttúrugersemum. Enn sé hægt að skila þýfinu til heimkynna sinna. Guðrún bendir réttilega á að það þurfi að endurnýja hjúp Þjóðleikhússins sem og annarra bygginga reglulega og engin lausn sé falin í því að seilast inn á friðuð svæði, það séu gamaldags vinnubrögð sem ekki verði liðin.