Opið hús í Þjórsárdal

Góðir Íslendingar! Komið og kynnist náttúrunni í mynni Þjórsárdals sunnudaginn 1. júlí frá 13-17. Opið hús verður í Fagralandi, sumarbústað, í landi Haga, þar sem Landsvirkjun stefnir á að sökkva náttúruperlum, flúðum, eyjum, klettum og grónu landi. Hjónin Guðbjörg Friðriksdóttir og Sigurður L. Einarsson, ásamt öðrum sumarbústaðaeigendum í landi Haga taka á móti öllum þeim sem vilja sjá hvað í húfi er.
Landsvirkjun, ráðherrar og þingmenn sem styðja virkjanaáform í Þjórsá segja að framkvæmdirnar bitni á manngerðu landslagi. Komið og sjáið sjálf hvort að náttúran við Haga í Þjórsárdal sé gerð af manna höndum. Kaffi verður á könnunni í Fagralandi. Og boðið verður uppá leiðsögn um svæðið þar sem náttúrufegurð er einstök og í stórhættu verði Þjórsá virkjuð í byggð. Myndiin er tekin í Þjórsárdal. Ljósmynd: ©Árni Tryggvason