Fullt út úr dyrum á fundi gegn áformuðum virkjunum við Þjórsá

Greinargerð:
Af virkjunarframkvæmdum verða óafturkræf og veruleg náttúruspjöll. Í ljósi umræðu um þá ógn sem stafar af hlýnun af mannavöldum og ljóst er að orka þessara virkjana yrði notuð til mengandi stóriðju, er óásættanlegt að fara í þessar framkvæmdir. Fyrirhugaðar framkvæmdir munu auka enn á stöðugleika hagkerfisins og skila þeim byggðum sem leggja til orkuna, fáum störfum þegar til framtíðar er litið. Þjórsá er á virku jarðskjálfta- og leku spungusvæði. Ekki hefur verið sýnt fram á með óyggjandi hætti að íbúar geti treyst fyrirhuguðum mótvægisaðgerðum. Verðmæti náttúrunnar hafa hingað til verið vanmetin og þurfa að fá aukið vægi.

Dagskrá fundarins:
Fundinn setti Elín Erlingsdóttir formaður Náttúruverndarsamtaka Suðurlands.
Edda Pálsdóttir flutti Ljóð Jónasar Hallgrímssonar „Úr hulduljóðum“.
Rödd heimamanns: Finnbogi Jóhannsson bóndi í Minni-Mástungu.
Um verðgildi náttúrunnar: Björgólfur Thorsteinsson rekstrarhagfræðingur og formaður Landverndar.
Fulltrúi sumarbústaðaeigenda: Egill Egilsson eðlisfræðingur.
Tónlistaratriði Labba í Mánum auk þess var ljósmyndasyrpa hans sýnd í upphafi fundar.
Rödd Flóamanns: Ólafur Sigurðsson í Forsæti í Flóa.
Kveðja úr þéttbýlinu: Guðfríður Lilja Grétarsdóttir forseti Skáksambands Íslands.
Innlegg Ómars Ragnarssonar.
Hugleiðingar eftir nær heila öld í Gnúpverjahreppi eftir Jóhönnu Jóhannsdóttur í Haga, flutt af Árdísi Jónsdóttur í Geldingaholti.

Í umræðum kvöddu sér hljóðs Jón Hjartarson bæjarfulltrúi í Árborg og Pétur Óskarsson fyrir Sól í Straumi. Einnig var flutt kveðja frá Sól á Suðurnesjum.

Efri myndin er tekin yfir salinn en opna þurfti á milli aðalsals og baksal í félagsheimilinu Árborg v. fjölda fundargesta. Neðri myndin er af Ómari Ragnarssyni í tilþrifamiklum lýsingum á virkjanastefnunni. Ljósmyndir: Guðrún Tryggvadóttir.