Náttúrudropar Kristbjargar Elínar komnir á Bandaríkjamarkað

Krisbjörg Elín Kristmundsdóttir blómadropaþerapisti og jógakennari sem þróað hefur Blómadropa og Náttúrudropa úr orku íslenskrar náttúru um margra ára skeið hefur með atorku sinni tekist að koma Íslensku Náttúrudropunum í 11 Whole Foods Market verslanir í Los Angeles, Las Vegas og San Diego. Kristbjörg Elín er ný komin úr ferð til Kaliforníu þar sem hún þjálfaði starfsfólkið í notkun á Náttúrudropunum og var með fyrirlestra fyrir viðskiptavini verslananna. Í enskri útgáfu bæklings og umbúða Náttúrudropanna notar Kristbjörg Elín eftirfarandi kynningu: Experience the healing power of nature through the Icelandic Nature Essence - Awareness. Myndin var tekin af nýjum umbúðum Náttúrudropanna á sýningu Fósturlandsins Freyja „Gull í mó“ í ágúst í fyrra.

Ljósmynd: Guðrún Tryggvadóttir