Möguleikar og aðgerðir í loftslagsmálum

Föstudag 27. nóvember frá kl. 14:15 til 16:15 verða haldnir tveir áhugaverðir fyrirlestrar um loftslagsmál í Háskóla Íslands, Lögbergi, stofu 101. Þeir eru:

• Möguleikar Íslands til að draga úr útstreymi gróðurhúsalofttegunda - Dr. Brynhildur Davíðsdóttir, dósent við Háskóla Íslands
• Vinna að aðgerðaáætlun í loftslagsmálum og þátttaka Íslands í COP-15 - Hugi Ólafsson, skrifstofustjóri stefnumótunar og alþjóðamála, umhverfisráðuneyti

Dr. Brynhildur Davíðsdóttir, dósent í umhverfis- og auðlindafræði við Háskóla Íslands stýrði vinnu sérfræðinganefndar umhverfisráðuneytisins um möguleika til að draga úr nettóútstreymi gróðurhúsalofttegunda á Íslandi, en skýrsla nefndarinnar kom út í júní á þessu ári. Brynhildur mun í erindi sínu fjalla um helstu niðurstöður nefndarinnar og aðferðafræðina sem beitt var.

Hugi Ólafsson er skrifstofustjóri á sviði stefnumótunar og alþjóðamála í umhverfisráðuneytinu. Hann er formaður verkefnisstjórnar ráðuneytisins um aðgerðaáætlun í loftslagsmálum og situr í samninganefnd Íslands vegna loftslagssamnings Sameinuðu þjóðanna (UNFCCC). Hugi mun fjalla um vinnu að aðgerðaráætluninni og þátttöku Íslands í samningaviðræðum fyrir loftslagsráðstefnu Sþ í Kaupmannahöfn nú í desember.

Allir velkomnir!

Ljósmynd: Frá Jökulsárlóni, Guðrún Tryggvadóttir.