Gróðurhúsalofttegundir steingerðar

Steintegund ein, sem aðallega finnst í ríkinu Oman á Arabíuskaga,  er þeim eiginleikum gædd að geta steingert gróðurhúsalofttegundina koldíoxíð.

Með því að notast við téða steintegund, sem ber nafnið peridotite, mætti takmarka magn gróðurhúsalofttegunda í andrúmsloftinu.

Vísindamenn vinna nú hörðum höndum svo hægt verði að takmarka gróðurhúsalofttegundir með hjálp bergtegundarinnar. Hægt væri þá að geyma óæskilegar lofttegundir í bergformi. Slíkt ferli fari fram við náttúrulegar aðstæður en með hjálp manna væri hægt að hraða ferlinu umtalsvert

Peridotite er algengasta bergetgundin í möttlinum, sem er það jarðlag sem liggur undir jarðskorpunni.

Reuters greinir frá þessu.