Styttist í lán til umhverfisvænni bílaframleiðslu

Orkumálaráðherra Bandaríkjanna, Steven Chu, vill brátt hefja útdeilingu á lánum til bílaframleiðenda þar í landi úr 25 milljarða dala sjóði sem ætlað er að fjármagna sparneytnari tækni, að því er fram kemur í frétt Bloomberg.

General Motors og Ford hafa sótt um lán úr sjóðnum og samtals hafa borist 75 umsóknir um alls 38 milljarða dala lánveitingu. Orkumálaráðherrann hefur lýst því yfir að hann vilji að lánveitingarnar gangi hratt fyrir sig, en tryggja þarf að þeir sem fá lánin séu nægilega traustir fjárhagslega.