Lífrænt fiskeldi

Vottunarstofan Tún vekur athygli á málstofu um lífrænt fiskeldi sem haldin verður á Grand Hóteli kl. 10:30 þriðjudaginn 30. september n.k.

Málstofan er haldin á vegum Túns og Hólaskóla, og mun Dr. Helgi Thorarensen kynna nýjar reglur um lífrænt fiskeldi sem eru í burðarliðnum. Að því loknu mun Dr. Stefan Bergleiter, sérfræðingur frá þþsku vottunarstofunni Naturland flytja fyrirlestur um þróun lífræns fiskeldis í heiminum. En Naturland hefur um langt skeið verið leiðandi í staðlagerð og vottun á þessu sviði víða um heim.
 
Málstofan er haldin samhliða alþjóðlegri þorskeldisráðstefnu, en þeir sem áhuga hafa á að sækja málstofuna geta sótt hana án þess að skrá sig á ráðstefnuna.

Frekari upplýsingar veitir Gunnar Á. Gunnarsson tun@mmedia.is hjá Vottunarstofunni Túni.