Jólamarkaður við Elliðavatn

Í ár býður Skógræktarfélag Reykjavíkur upp á nýjung í undirbúningi jólanna, með jólamarkað við Elliðavatn, í Elliðavatnsbænum. Jólamarkaðurinn opnar laugardaginn 24. nóvember og verður opinn alla laugardaga og sunnudaga fram að jólum eða tl 23. desmember, milli kl. 11:00 og 18:00.

Þar verða meðal annars til sölu munir eftir íslenska hönnuði, handverks- og listiðnaðarfólk. Einnig skreytingar, kransar, og skreyttar greinar úr efni skógarins sem nemar í Garðyrkjuskóla Íslands og fleiri hafa unnið.

Vöfflur, kaffi og kakó verða á boðstólum og jólasveinar koma í heimsókn. Jólatré verða til sölu á hlaðinu við Elliðavatnsbæinn.

Frétt frá Skógræktarfélagi Reykjavíkur. Kortið sýnir staðsetningu Elliðavatnsbæjarins.