Um eldgos

Í eldgosum kemur upp kvika sem er bráðið efni úr möttli eða skorpu. Í gosopi myndast hraun, gjóska og kvikugös. Röð eldgosa á tilteknu tímabili mynda eldvirkni.

Eldvirkni skiptist í meginlandseldvirkni á meginlöndunum og úthafseldvirkni á plötuskilum og heitum reitum. Helstu einkenni úthafseldvirkni eru sprungueldstöðvar og hraungos á meðan að meginlandseldvirkni einkennist af stórum eldfjöllum sem gjósa súru bergi í sprengigosum.

Eldvirkni á Íslandi stafar af samspili plötureks, og viðbótarvirkni möttulstróksins (heita reitsins) undir landinu. Eldvirknin á Íslandi er dæmigerð úthafseldvirkni.