Götulýsingu í Gautaborg stýrt til orkusparnaðar

Orð dagsins 3. mars 2009.

Tilraunir borgaryfirvalda í Gautaborg með nýja stýringu götuljósa benda til að hægt sé að lækka rafmagnsreikning vegna ljósanna um 50-60% frá því sem nú er. Nýjungin felst í að setja upp skynjara sem stilla ljósstyrk eftir umferð og öðrum aðstæðum, í stað þess að ljósin logi á fullum styrk hvað sem á gengur. Auk sparnaðar vegna raforkukaupa hefur þessi nýja lýsing þurft minna eftirlit og viðhald en hefðbundin götulýsing. Stofnkostnaður vegna lýsingarinnar er sagður geta skilað sér til baka á einu ári þar sem ávinningurinn er mestur.
Lesið frétt Byggvärlden 25. febrúar sl.