Ríkisstjórnin lýsir yfir vilja til að vinda ofan einkavæðingu í orkugeiranum

Á blaðamannafundi sem ríkisstjórnin boðaði til kl. 16:30 og stendur enn yfir lýsti hún því yfir að það væri ásetningur ríkisstjórnarinnar að vinda ofan af einkavæðingu í orkugeiranum og tryggja að orkufyrirtæki séu í eigu opinberra aðila. Þetta voru orð Jóhönnu Sigurðardóttur forsætisráðherra á blaðamannfundinum nú rétt áðan. Hún mun skipa nefnd sem á að rannsaka einkavæðingarferli Hitaveitu Suðurnesja og gera lögfræðilega úttekt á lögmæti þess að Magma Energy hafi keypt HS Orku í gegnum skúffufyrirtækið Magma Energy Sweden AB. Nefndin á að skila niðurstöðu um miðjan ágúst. Sjá nánar á visir.is.