Íbúarfundur í Flóahreppi

Í auglýsingu frá sveitarstjórn Flóahrepps segir:

Íbúafundur verður haldinn í félagsmiðstöðinni Þjórsárveri í Flóahreppi þann 25. júní 2007 kl. 20:30 þar sem lögð verða fram drög að aðalskipulagi fyrrum Villingaholtshrepps til kynningar ásamt breytingum á aðalskipulagi Hraungerðishrepps og Gaulverjabæjarhrepps.

Það er Gísli Gíslason hjá Landmótun sem hefur unnið tillögur með hreppsnefnd fyrrum Villingaholtshrepps og síðar með sveitarstjórn Flóahrepps og mun hann kynna þær á fundinum ásamt sveitarstjórn.

Aðalskipulag Hraungerðishrepps var staðfest 2006 og aðalskipulag í Gaulverjabæjarhreppi var staðfest 2005. Vegna vinnu við aðalskipulag Villingaholtshrepps þarf að gera breytingar á þeim til að samræma ýmis atriði.

Reiknað er með að þegar vinnu við aðalskipulag Villingaholtshrepps hefur verið lokið verði farið í vinnu við að sameina aðalskipulag gömlu hreppanna þriggja í eitt.