Jólaskógurinn í Heiðmörk

Laugardaginn 7. desember 2013 opnar Skógræktarfélag Reykjavíkur jólaskóginn í Heiðmörk. Þá mun Jón Gnarr borgastjóri Reykvíkur fella fyrsta tréð kl: 11:00 árdegis á laugardaginn í jólaskóginum í Hjalladal. En auk borgarstjóra hefur jólasveinn boðað komu sína á svæðið.

Það er orðin sterk hefð í mörgum fjölskyldum að koma í Heiðmörk á aðventunni og höggva sitt eigið jólatré. Í ár verður opið í Hjalladal helgarnar 7. - 8., 14. - 15. og 21. - 22. desember, kl. 11:00-16:00. Alla daga verður líf og fjör, jólasveinarnir verða á staðnum og það verður logandi varðeldur. Það er boðið upp á heitt kakó og piparkökur og jólalögin sungin.

Kveikt á Jólatré jólamarkaðarins

Laugardaginn 7. desember kl.14.30 verður kveikt á jólatré jólamarkaðarins við Elliðavatnsbæinn. Á hverju ári býður skógræktarfélagið hönnuði eða listamanni að skreyta torgtré á nýstárlegan máta. Að þessu sinni er það Tinna Ottesen hönnuður sem skreytir 4 metra fjallaþin, en Tinna sigraði í jólatrjáaskreytingarkeppni árið 2011 með óvenjulegri en fallegri útfærslu á jólatrjáaskreytingu.

Sjá nánar um dagskrána á vef Skógræktarfélags Reykjavíkur.

Upplýsingar um jólatréssölu skógræktarfélaga á landinu verða settar inn á vef Skógræktarfélags Íslands jafnóðum og þær berast.