Lífræni dagurinn 2013

Hinn árlegi „Lífræni dagur“ verður í þetta sinn haldinn í Ráðhúsinu í Reykjavík sunnudaginn 13. október frá kl. 12-17.

Framleiðendur og innflytjendur á Íslandi kynna vörur sínar, áhugaverðir og fræðandi fyrirlestrar og ljúffengt smakk í hæsta gæðaflokki allan daginn.

Síðast mættu vel á annað þúsund manns og var sá dagur einstaklega vel heppnaður!

Fyrirlestraröðin snýr að framtíðarsýn í íslenskum landbúnaði og grænum lífsstíl.

Dagskrá

• 12:00 Húsið opnar
• 13:00 Guðrún Tryggvadóttir hjá Náttúran.is fjallar um Græna kortið.
• 13:30 Gunnar hjá Vottunarstofunni Tún fjallar um ráðstefnuna „Er erfðabreytt framleiðsla sjálfbær“ sem haldin var þ. 7. október sl.
• 14:00 Guðfinnur Jakobsson bóndi í Skaftholti talar um möguleika Íslands í lífrænni ræktun.
• 14:30 Þórður frá Akri fjallar um VOR, samtökin Verndun Og Ræktun sem eiga 25 ára afmæli á þessu ári.
• 15:00 Kristín Vala Ragnarsdóttir fjallar um Ísland og Bhutan - fyrsta landið sem stefnir að því að vera 100% lífrænt.
• 15:30 Pálmi Einarsson iðnhönnuður fjallar um Edingarða Íslands - framtíðarsýn sem bragð er að.
• 16:00 Ragnar Unnarsson talsmaður samtakanna fjallar um þróun neytendamarkaðarsins á Íslandi.

Verið öll hjartanlega velkomin. Samtök lífrænna neytenda.

Sjá viðburðinn á Facebook.