Fæðuöryggi á Íslandi – niðurstöður Samleiðniverkefnisins

Niðurstöður Samleiðniverkefnisins (Converge Project) verða kynntar í sal Þjóðminjasafns Íslands þ. 4. október kl.14:00

Í Samleiðniverkefninu hefur undanfarin 4 ár verið rannsakað hvernig mannkynið getur búið á sjálfbæran máta innan þeirra marka sem Jörðin setur.

Í verkefninu tóku þátt háskólar og félagasamtök í Bretlandi, Svíþjóð, Ungverjalandi, Indlandi og á Íslandi. Íslenski hópurinn þróaði aðferðafræði sem allir geta notað sem áhuga hafa á að leiða til breytinga innan sinna samfélaga.

Haldnir voru vinnufundir um fæðuöryggi  á Íslandi, í Bristol á Bretlandi og í Tirunelveli/Tutticorin héraði í Tamil Nadu á Indlandi og tóku hagsmunaaðilar innan fæðukerfisins á hverju svæði þátt í vinnustofunum.

Dagskrá

• Kristín Vala Ragnarsdóttir:  Saga verkefnisins og heildarmarkmið
• Sigrún María Kristinsdóttir: Aðferðafræði vinnufundanna
• Harald Sverdrup: Niðurstöður fyrir fæðuöryggi á Íslandi - með samanburði við Bristol og Tamil Nadu (á ensku)
• Pallborðsumræður frummælenda ásamt  Brynhildi Davíðsdóttur

Fundarstjóri – Guðrún Pétursdóttir

Fundurinn er öllum opinn.

Ljósmynd: Nýuppteknar gulrætur, ljósm. Guðrún A. Tryggvadóttir.