Hiti

Þegar barnið fær hita er það vísvbending um að líkami þess sé að takast á við sýkingu og því má ekki bæla hann nema ef hann verður hættulega hár. Í þeim tilvikum er best að kæla barnið með því að þvo því með svampi eða klút sem vættur er í köldu vatni og eplaediki í hlutföllunum 3:1. Ef sóttheitt barn svitnar ekki er gott að gefa því heitt vallhumalstte, sem er mjög svitadrífandi. Ef hitanum fylgir mikið slím í öndunarvegi getur blóðbergste og eða kattarmintute losað um það. Börn me hita eru yfirleitt mjög lystarlaus og aldrei skyldi þröngva þeim til þess að borða. Gefið barninu heitt jurtate með hunangi og sítrónu og hreinan ávaxtasafa ef það þyrstir. Sólblómahattur og hvítlaukur örva ónæmiskerfi líkamans og hamla einnig gegn frekar sýkingu, t.d. af völdum gerla. Gefið barninu aðra hvora jurtina í viku eftir hitasótt. Leitið ávallt læknis ef hitinn lækkar ekki innan tveggja daga.