Norræn (orku)skilvirkni – Nýtt tölublað „Green Growth the Nordic Way“

Nýjasta tölublað „Green Growth the Nordic Way“ kemur út í tengslum við viðburðinn World Efficiency, sem fram fer í París 13.–15. október í aðdraganda loftslagsráðstefnunnar COP21. Þar munu Norræna ráðherranefndin og sendiráð Norðurlandanna í Frakklandi kynna fjölda grænna lausna, úr einkageiranum svo og opinbera geiranum, undir yfirskriftinni „Norræn skilvirkni“.

Í nýjasta tölublaði „Green Growth the Nordic Way“ má lesa um spennandi, notendadrifna nýsköpun innan vébanda Nordic Built Cities, þriggja ára áætlunar til að stuðla að bættu borgarskipulagi og þéttbýlisþróun á Norðurlöndum og víðar.

Nordsyn, verkefni um skilvirkni í orkumálum, miðar að því að efla norrænt samstarf um vistvæna hönnun og orkumerkingar og er um leið ætlað að vera innblástur fyrir önnur Evrópusambandslönd sem eru að innleiða tilskipanir framkvæmdastjórnar ESB í þessum málaflokkum.

Í blaðinu er einnig fjallað um norrænt samstarf á sviði orkumála og raforkumarkaðinn Nord Pool Spot, samþættasta millilandamarkað heims fyrir orku.

• Lesið meira á slóðinni Nordicway.org

Kynningunni á norrænni skilvirkni á viðburðinum World Efficiency verður fylgt eftir með norrænum sýningarskála á COP21. Nánari upplýsingar eru í hinu væntanlega tölublaði „Green Growth the Nordic Way“.

• Nánar um Norræna skilvirkni
• Halið niður bæklingi um Norræna skilvirkni