Veigar garðsins - námskeið í víngerð úr rabarbara og berjum

Mánudaginn 28. apríl kl. 18:00 verður Valborg Einarsdóttir með námskeið sem nefnist "Veigar garðsins"

Fjallað verður um sögu, ræktun og nýtingu rabarbara og víngerð úr rabarbara hérlendis frá lokum 19. aldar og til dagsins í dag.  Einnig kennd víngerð úr berjum sem vaxa hérlendis, svo sem rifs- og sólberjum og krækiberjum að ógleymdu fíflavíni. Þá verður fjallað um heimagerða snafsa og líkjöra, sem auðvelt er að útbúa. Lífrænt eða vistvænt ræktað og heimagert úr garðinum, er og var hluti af sjálfbærni í íslensku samfélagi.

Þátttakendur fá helstu uppskriftir útprentaðar. Verð kr. 4,400,- fyrir félagsmenn í GÍ, en kr. 5,900,- fyrir aðra. Hjónagjald kr. 5,500,- fyrir félagsmenn. Skráning á gardurinn@gardurinn.is

Námskeiðið tekur u.þ.b. 3 1/2 klst.  Léttar veitingar innifaldar í verði, boðið verður upp á brauð og ávexti um kvöldmatarleytið.

Námskeiðið verður haldið í fundarsal Garðyrkjufélags Íslands við Síðumúla 1, inngangur frá Ármúla.

Ljósmynd: Rabarbari, ljósm. Guðrún Tryggvadóttir.