Dominique Plédel Jónsson þýðir fyrir Náttúruna

Dominique Plédel Jónsson þýddi efni Græna kortsins hér á vefnum yfir á frönsku svo það mætti nýtast öllum frönskumælandi á ferð sinni um landið.

Dominique Plédel Jónsson er landfræðingur að mennt frá háskóla í París og með réttindi sem leiðsögumaður á Íslandi. Hún hefur verið búsett á Íslandi síðan 1971 með 10 ára hléi er hún var búsett í Danmörku og Noregi, þar sem hún vann fyrir verslunardeild franska sendiráðsins til 1999. Hún rekur Vínskólann sem hún stofnaði 2005, skrifar í Gestgjafann um „terroir" og vín. Hún er stofnmeðlimur í Slow Food á Íslandi (2001), og formaður Slow Food í Reykjavík síðan 2008.

Ljósmynd: Dominique Plédel Jónsson í Vallanesi sumarið 2013.