Fyrstu umhverfismerktu þráðlausu símarnir

Þýska símafyrirtækið Telekom Deutschland er þessa dagana að setja á markað fyrstu umhverfismerktu þráðlausu símana. Símtækin eru vottuð með þýska umhverfismerkinu Bláa englinum, en vottunin er m.a. staðfesting á því að tækin noti lítið rafmagn, að auðvelt sé að skipta um rafhlöður og auka þar með endinguna, að tækin innihaldi ekki skaðleg efni, að rafsegulsvið sé í lágmarki og að notandi geti sjálfur stillt sendistyrkinn, svo eitthvað sé nefnt.
(Sjá frétt á heimasíðu Bláa engilsins 1. mars).