Hreinsun á krukkum

Krukkurnar sem geyma á maukið í, mega ekki vera sprungnar. Heppilegast er að sé brún á þeim, svo auðvelt sé að binda yfir þær; einnig má nota niðursuðuglös eða krukkur með skrúfuðu loki. Það er sjálfsagt að hreinsa öll ílát jafnóðum og þau eru tæmd og hvolfa þeim í geymslunni. Þegar nota á ílátín eða krukkurnar, eru þær þvegnar vel og burstaðar úr sódavatni; settar í pott með köldu vatni og suðan látin koma upp á þeim.

Teknar upp úr og hvolft á hreinan línklút, þurrkaðar vandlega með þurru, soðnu stykki.

Sé maukið soðið, sem setja á í krukkurnar, er það látið sjóðandi í vel heitar krukkurnar, ef ekki á að skola þær úr benzonsúru natron-upplaustn. Þvínæst eru barmarnir þurkkaðir vandlega, með bómull, sem dýft er ofan í benzonsúra natron-upplausn.

Munið að aldrei má hreyfa vð skáninni, sem myndast ofan á maukinu, þá skemmist það frekar.

Ljósmyndir: Efst, krukkurnar soðnar í stórum potti. Í miðið, krukkunum hvolft til skjótrar þurrkunar. Neðst, heit bláberjasulta komin í heitar krukkurnar. Guðrún A. Tryggvadóttir.